Azərbaycan Respublikasının Prezidenti İlham Əliyev fevralın 14-də Münhendə Bundestaqın xarici siyasət komitəsinin sədri Armin Laşet ilə görüşüb.
Görüş zamanı Azərbaycanla Ermənistan arasında sülh gündəliyinin irəli aparılması və Vaşinqtonda əldə olunan nailiyyətlər müzakirə olunub. Armin Laşet əldə edilən nəticələrə görə təbriklərini çatdırıb, Prezident İlham Əliyev isə minnətdarlığını bildirərək sülhün regionun inkişafı üçün əhəmiyyətini vurğulayıb.
Görüşdə Azərbaycanın regional sülh və əməkdaşlıq təşəbbüsləri, ikitərəfli əlaqələrin müxtəlif sahələrdə inkişafı, xüsusilə siyasi, iqtisadi-ticarət və enerji sahələrində əməkdaşlıq məsələləri müzakirə olunub. Eyni zamanda Azərbaycanın Avropanın enerji təhlükəsizliyindəki rolu, parlamentlərarası əməkdaşlığın genişləndirilməsi və dinlərarası, mədəniyyətlərarası dialoq sahəsindəki təcrübəsi qeyd edilib.
