Məlumata görə, Suriya Demokratik Qüvvələri (SDQ) atəşkəsi pozaraq əks-hücuma keçib və Əl-Şəddadi şəhərini nəzarətə götürüblər. Bu barədə “Clash Report” məlumat yayıb.
Bildirilir ki, SDQ/PKK silahlıları Raqqa və Haseke vilayətlərində kütləvi qətllər və etnik təmizləmə həyata keçirir. İlkin məlumatlara əsasən, hadisələr nəticəsində 300-dən çox dinc sakin həlak olub.
Yerli mənbələr sosial şəbəkələrdə SDQ silahlılarının Raqqada Suriya hökumət qüvvələrinə qarşı pusqu qurduğunu iddia edən videogörüntülər yayımlayıblar. Videonun həqiqiliyi və detalları hələlik müstəqil mənbələr tərəfindən təsdiqlənməyib.
Hadisə bölgədə gərginliyin yenidən artmasına səbəb olub.
