ABŞ Venesuelanın sərt daxili işlər naziri Diosdado Kabelyo ilə gizli danışıqlara Nikolas Maduronun tutulması əməliyyatından aylar əvvəl başlayıb və Maduro devrildikdən sonra da davam etdirilir.
Bu barədə “Reuters“‑in apardığı araşdırma məlumat verir. Kabelyo, 62 yaşında, federal narkotik cinayətlərində ittiham olunub və ABŞ‑ın sanksiyalar siyahısında yer alır, lakin ABŞ‑ın yanvarın 3‑də başlatdığı əməliyyat zamanı tutulmayıb.
ABŞ rəsmiləri Kabelyoya yüksək səviyyəli təhlükəsizlik qüvvələrini və hökumətə yaxın milisləri ölkənin müxalifətinə qarşı istifadə etməməsi barədə xəbərdarlıq edib. Bu danışıqlar, ölkədəki gərgin vəziyyəti idarə etmək, siyasi sabitliyi qorumaq və keçid dövrü üçün balans yaratmaq məqsədi daşıyır. “Reuters” mənbələri Kabelyo ilə kommunikasiyanın yanvarın 3‑dəki əməliyyata qədər və sonrasında davam etdiyini bildirib.
Kabelyo uzun illər Uqo Çavez və sonradan Maduro rejiminin yaxın müttəfiqi olub və ölkənin kəşfiyyat xidmətləri, polis və təhlükəsizlik qüvvələri üzərində böyük təsirə malikdir.
ABŞ administrasiyası üçünKabelyonun bu təsiri narahatlıq mənbəyidir, çünki o, tənqidçilərin fikrincə, ölkədə qeyri‑sabitlik yarada və keçid dövrünü təhlükəyə ata bilər. Eyni zamanda, ABŞ‑ın keçid planları çərçivəsində müvəqqəti prezident Delsi Rodrigezin mövqeyi də vacib hesab edilir. Kabelyo ilə onun münasibətləri diqqətlə izlənilir.
